To‘ygacha sanoqli kunlar qolganda nimalarga e’tibor berish kerak?

To‘ygacha juda oz vaqt qolganda hayajon ham, yugur-yugur ham yanada kuchayadi. Aynan shu davrda oxirgi tayyorgarliklarni tartibli qilish va mayda detallarni tekshirib chiqish to‘y kunining ancha yengil va sokin o‘tishiga yordam beradi. Oldindan reja bilan harakat qilish nafaqat stressni kamaytiradi, balki kutilmagan muammolarning ham oldini oladi.

Quyida to‘ydan oldingi oxirgi kunlarda albatta e’tibor berish kerak bo‘lgan muhim jihatlar haqida gaplashamiz.

To‘y joyi bilan yana bir marta bog‘laning

To‘y o‘tadigan joy bilan yana bir bor bog‘lanib, hamma tayyorgarlik reja bo‘yicha ketayotganiga ishonch hosil qilish kerak.

Quyidagilarni yana bir bor tekshirib chiqing:

• mehmonlar joylashuvi;

• dekor;

• musiqa va texnika;

• menyu;

• umumiy tashkiliy masalalar.

Agar mehmonlar sonida oxirgi daqiqada o‘zgarish bo‘lgan bo‘lsa, bu haqda albatta oldindan ayting. Aks holda “yana bitta oila kelibdi” holati bilan stollar soni to‘g‘ri kelmay qolishi mumkin.

Kelinlikni oxirgi prova bilan olib keting

Kelinlikni butunlay olib ketishdan oldin albatta yana bir marta to‘liq prova qilish kerak.

Va bu safar hammasini birga kiyib ko‘rish muhim:

• kelinlik;

• fata;

• oyoq kiyim;

• taqinchoq va aksessuarlar.

Shunda umumiy obraz qanday ko‘rinishini oldindan ko‘rish va keyinchalik muammo bo‘lishi mumkin bo‘lgan mayda detallarni vaqtida sezish osonroq bo‘ladi.

Tekshirib chiqing:

• choklarda muammo yo‘qligini;

• tosh yoki boncuklar tushmaganini;

• kelinlik uzunligi oyoq kiyimga mosligini;

• aksessuarlar bir-biriga mos tushishini.

Eng muhimi — mayda tuzatishlar uchun vaqt qoldiring. Chunki to‘y oldi qonuni oddiy: “Keyinroq hal qilamiz” deyilgan narsalar aynan oxirgi kuni esga tushadi.

Asal oyi uchun chamadonni oldindan yig‘ing

Asal oyi tayyorgarligini oxirgi kechaga qoldirish ortiqcha asab va shoshilish olib keladi.

Chamadonni bir necha kun oldin tayyorlab qo‘ysangiz, yetishmayotgan narsalarni bemalol to‘ldirishga vaqt bo‘ladi.

Ayniqsa quyidagilarni oldindan tekshirish muhim:

• pasport va hujjatlar;

• zaryadkalar;

• dori vositalari;

• sayohat kiyimlari;

• shaxsiy gigiyena vositalari.

Va ha, “borib olamiz” degan reja odatda aynan kerakli narsani topolmay qolgan paytda esga tushadi.

Favqulodda holatlar uchun mini sumka tayyorlang

To‘y kuni mayda kutilmagan holatlar deyarli har doim bo‘ladi. Shu sabab kichik emergency-sumka tayyorlab qo‘yish juda foydali.

Ichiga quyidagilarni solish mumkin:

• zaxira oyoq kiyim;

• qo‘shimcha paypoq yoki ko‘ylak;

• atir;

• dog‘ ketkazuvchi salfetka;

• igna-ip to‘plami;

• og‘riq qoldiruvchi;

• makiyajni yangilash vositalari.

Eng qulay variant — bu sumkani mashina bagajida yoki ishonchli yaqin insonda qoldirish.

To‘y oyoq kiyimini oldindan kiyib yuring

Yangi oyoq kiyim to‘y kuni eng katta noqulayliklardan biriga aylanishi mumkin.

Shu sabab uni bir necha kun oldin uyda kiyib yurib yumshatish kerak. Chunki to‘y kuni uzoq yurish, suratga tushish va tun bo‘yi raqs tushish rejalashtirilgan bo‘ladi.

Ishoning, qulay oyoq kiyim kayfiyatga o‘ylagandan ham ko‘proq ta’sir qiladi.

Yangi uy tayyor ekaniga ishonch hosil qiling

Agar to‘ydan keyin yangi uyga ko‘chib o‘tiladigan bo‘lsa, hamma asosiy narsalar tayyor ekanini oldindan tekshirib qo‘yish kerak.

To‘ydan keyin qutilar orasidan fen yoki sochiq qidirib yurish romantik kayfiyatga uncha mos kelmaydi.

Quyidagilar tayyor bo‘lishi foydali:

• yotoqxona;

• hammom jihozlari;

• oshxona buyumlari;

• kundalik kerak bo‘ladigan narsalar.

Ishonchli insondan yordam so‘rang

To‘y kuni hamma narsani shaxsan nazorat qilishning iloji yo‘q. Va rostini aytganda, bunga hojat ham yo‘q.

Shu sabab oldindan yaqin insonlardan biriga tashkiliy masalalarni ishonib topshirish juda katta yengillik beradi.

Bu inson:

• qo‘ng‘iroqlarga javob berishi;

• tashkilotchilar bilan gaplashishi;

• mayda muammolarni hal qilishi;

• sizni ortiqcha stressdan himoya qilishi mumkin.

Chunki to‘y kuni kelin-kuyov bir-biri bilan vaqt o‘tkazishi kerak, yo‘qolgan buket yoki DJ qidirib emas.

Parvarish muolajalarini oxirgi kunga qoldirmang

Manikyur, pedikyur, depilyatsiya yoki boshqa beauty-protseduralarni to‘y kuniga juda yaqin qilish tavsiya etilmaydi.

Ba’zi muolajalar terida qizarish yoki sezgirlik qoldirishi mumkin. Ayniqsa stress fonida teri odatdagidan kuchliroq reaksiya qilishi ehtimoli bor.

Eng yaxshi variant — hammasini bir necha kun oldin tugatish. Shunda teri tinchlanadi va to‘y kuni yanada sog‘lom hamda chiroyli ko‘rinadi.