To‘g‘ri to‘rtburchak tana tipi — yelka, bel va son o‘lchamlari deyarli bir xil bo‘ladigan tana shaklidir. Bunday figurada bel chizig‘i aniq bilinmaydi, siluet esa tekis va ixcham ko‘rinadi. Shu sababli bu tana tipi ba’zan “sportiv”, “ustun” yoki “tekis siluet” deb ham ataladi.
Odatda qo‘l va oyoqlar nozik va chiroyli proporsiyaga ega bo‘ladi. Minimalistik va zamonaviy kiyimlar esa aynan shu figura turida juda didli ko‘rinadi.
To‘g‘ri to‘rtburchak tana tipiga ega ekaningni qanday bilsa bo‘ladi?
Agar oynaga qaraganingda yelka, bel va son deyarli bir xil kenglikda ko‘rinsa, ehtimol senda aynan shu tana tipi bor. Bel qismida biroz egri chiziq bo‘lsa ham, umumiy siluet ko‘p o‘zgarmaydi.
Quyidagi belgilar ham shu tana tipiga xos bo‘lishi mumkin:
past bel shimlar senga yarashsa;
to‘g‘ri bichimli ko‘ylaklarni bemalol ko‘tara olsang;
bretelekli yoki sport uslubidagi ustki kiyimlar yaxshi tursa;
ikki qismli kombinatsiyalarni tez-tez tanlasang.
To‘g‘ri to‘rtburchak tana tipining xususiyatlari
Bu tana tipida asosiy maqsad — siluetga yumshoqlik va egri chiziqlar qo‘shish. To‘g‘ri tanlangan kiyimlar yordamida belni yanada nozikroq ko‘rsatib, ayollarga xos muvozanatli obraz yaratish mumkin.
Asosiy xususiyatlari:
bel chizig‘ining uncha bilinmasligi;
yelka va sonning deyarli bir xil kenglikda bo‘lishi;
nozik qo‘l va oyoqlar;
tekis va cho‘zilgan siluet.
To‘g‘ri to‘rtburchak tana tipiga mos kelinliklar
Kelinlik tanlashda asosiy maqsad — bel qismiga urg‘u berish va figuraga yanada nafis egri chiziqlar qo‘shishdir.
Belni ajratib ko‘rsatadigan modelllar
Bel qismidan o‘tiradigan va etagi biroz kengayadigan modelllar bu figura uchun juda mos keladi. Ayniqsa A-siluetdagi kelinliklar tanani muvozanatli va nafis ko‘rsatadi.
So‘nggi yillarda ommalashgan ikki qismli kelinliklar ham aynan shu tana tipida juda chiroyli turadi. Beldagi ochiq detal tufayli bel yanada ingichka ko‘rinadi.
Yon tomoni ochiq modelllar ham bel chizig‘ini vizual ravishda aniqroq ko‘rsatadi.
Yelka va son muvozanatini yaratadigan modelllar
Bu figura turida yelka qismini ajratib ko‘rsatish juda muhim. Chunki yelka vizual kengaysa, bel yanada nozik ko‘rinadi.
Shu sababli quyidagilar ayniqsa yaxshi tanlov bo‘ladi:
straplez kelinliklar;
yuraksimon yoqali modelllar;
halter uslubidagi fasonlar.
Agar kelinlikning yuqori qismi hajmli yoki bezakli bo‘lsa, etak qismi ham hajmni saqlashi kerak. Bu siluetni muvozanatli qilib, yanada ayollarga xos ko‘rinish beradi.
To‘g‘ri bichimli kelinlik mos keladimi?
To‘g‘ri bichimli kelinliklar bu tana tipida juda elegant va qimmatbaho ko‘rinadi. Ayniqsa oqib tushadigan matolardan tikilgan sodda modelllar juda nafis obraz yaratadi.
Shifon yoki ipakdan tikilgan V-yoqali kelinliklar zamonaviy, yengil va muvozanatli uslub beradi.
Kuchli tomonlaringni ajratib ko‘rsat
To‘g‘ri to‘rtburchak tana tipiga ega qizlarning qo‘l va oyoqlari odatda juda chiroyli bo‘ladi.
Shu sababli quyidagilarga e’tibor berish mumkin:
bretelekli modelllar;
qisqa yengli fasonlar;
yoriqli kelinliklar.
Bundan tashqari, ochiq orqa detaliga ega modelllar ham juda yarashadi. Juda chuqur bo‘lmagan ochiq orqa qismi obrazni nafis va jozibali qiladi.