Orqasi ochiq kelinliklar

So‘nggi yillarning eng e’tiborli trendlaridan biri — orqasi ochiq kelinliklar. Ular nafis, dadil va zamonaviy ko‘rinishi bilan ko‘plab kelinlarning sevimli tanloviga aylangan.

Agar to‘yingizda bir vaqtning o‘zida ham chiroyli, ham unutilmas obraz yaratmoqchi bo‘lsangiz, orqasi ochiq kelinlik aynan sizga mos bo‘lishi mumkin. Lekin bunday modellarda oldindan e’tibor berilishi kerak bo‘lgan ayrim muhim jihatlar ham bor.

Orqasi ochiq kelinlik nima?

Bu — orqa qismi to‘liq yoki qisman ochiq qoldirilgan kelinlik modellari.

Bunday fasonlar obrazga:

• Nafislik

• ayollarga xos joziba

• Zamonaviylik

• romantik kayfiyat beradi.

Hatto eng sodda kelinlik ham ochiq orqa detali sabab ancha ta’sirli ko‘rinishi mumkin.

Orqasi ochiq kelinlik modellari qanday bo‘ladi?

Bunday kelinliklar yubka fasoni va orqa qism dizayniga qarab turlicha bo‘ladi.

“Baliqcha” fasonidagi orqasi ochiq kelinliklar

Bu eng dadil va e’tiborli modellardan biri hisoblanadi.

Qomatni o‘rab turadigan fason sabab:

• bel chizig‘ini chiroyli ajratib ko‘rsatadi

• obrazni yanada ayollarga xos qiladi

• juda elegant va jozibali kayfiyat beradi

Ayniqsa qomati nozik va chiziqlari aniq kelinlarda juda ta’sirli ko‘rinadi.

A-siluet va “prenses” fasonlar

Bu modellarda ochiq orqa yanada nozik va romantik ko‘rinadi.

“Baliqcha” fasoniga qaraganda ular:

• Yumshoqroq

• Klassikroq

• yengilroq obraz yaratadi

Bunday modelllar ochiq havodagi to‘ylarda ham, hashamatli zallarda ham birdek chiroyli ko‘rinadi.

Orqa qismdagi ochiqlik shakllari

Orqa dekolte shakli butun obraz kayfiyatini o‘zgartirib yuborishi mumkin.

U shaklidagi ochiq orqa

Chuqur U shaklidagi ochiqlik ancha dadil va juda e’tiborli ko‘rinadi.

Ayniqsa minimalistik kelinliklarda juda nafis chiqadi.

V shaklidagi ochiq orqa

V shaklidagi kesim orqani vizual ravishda uzunroq va nozikroq ko‘rsatadi.

Bu fason:

• bo‘yni balandroq ko‘rsatishi mumkin

• qomatni nozikroq qilib beradi

• orqa chizig‘ini yanada nafis ochib beradi

Ayniqsa bo‘yi pastroq kelinlar uchun juda yaxshi variantlardan biri.

Dekorativ orqa detalga ega kelinliklar

Orqa qism har doim ham to‘liq ochiq bo‘lishi shart emas.

Ko‘plab modellarda:

• gipür va dantel

• marvarid detallari

• tosh va kashtalar

• shaffof tul elementlari ishlatiladi.

Ayniqsa romantik va vintage uslubni yoqtiradigan kelinlar uchun gipürli orqa detal juda nafis tanlov bo‘lishi mumkin.

Kimlarga mos keladi?

Orqasi ochiq kelinliklar ayniqsa:

• beli nozik

• Orqa bel chizig‘i chiroyli

• qomati mutanosib yoki bo‘yi baland kelinlarda nafıs  ko‘rinadi.

Lekin to‘g‘ri fason tanlansa, deyarli har qanday qomat uchun mos variant topish mumkin.

To‘ydan oldin ko‘pchilik:

• orqa mushaklari va qomat uchun mashqlar qiladi

• teri parvarishiga e’tibor beradi

Chunki ochiq orqa avtomatik tarzda obrazning asosiy aktsentlaridan biriga aylanadi.

Qanday ichki kiyim mos keladi?

Bunday kelinliklarda eng muhim jihatlardan biri — to‘g‘ri ichki kiyim tanlash.

Ko‘pincha quyidagilar ishlatiladi:

• yopishadigan byustgalterlar

• silikon qo‘llab-quvvatlovchi modelllar

• old tomondan mahkamlanadigan maxsus variantlar

Agar orqa qism juda chuqur ochiq bo‘lsa, oddiy byustgalter mos kelmasligi mumkin.

Shu sabab fittingga kelayotganda to‘y kuni kiyiladigan ichki kiyim bilan kelish foydali bo‘ladi.

Nimalarga e’tibor berish kerak?

Orqasi ochiq kelinliklar juda chiroyli ko‘rinsa ham, qulaylik uchun ayrim jihatlarni oldindan tekshirish muhim.

Masalan:

• ochiq qism harakat paytida siljib ketmasligi kerak

• mato yig‘ilib qolmasligi lozim

• yurish, o‘tirish va raqs tushish qulayligi tekshirilishi kerak

Kerak bo‘lsa, tikuvchi:

• shaffof to‘r

• maxsus yupqa bantlar

• yashirin mahkamlovchi detallardan foydalanishi mumkin

Ba’zi kelinlar esa kelinlik yanada mahkam turishi uchun ikki tomonlama fashion-bantlardan foydalanadi.

Qanday soch turmaklari mos keladi?

Ochiq orqa detalini chiroyli ko‘rsatish uchun eng yaxshi variant — yig‘ilgan soch turmaklari.

Masalan:

• ensada tuguncha

• Dumcha

• yengil tarqoq romantik tuguncha

Bunday sochlar orqa qismni to‘liq ochib beradi va kelinlik detalini yanada chiroyli ko‘rsatadi.

Agar sochni ochiq qoldirmoqchi bo‘lsangiz, fotosessiya paytida sochni oldinga olib o‘tish orqali ham orqa dekolteni chiroyli ta’kidlash mumkin.