Dumaloq yuz — bu yumshoq chiziqlar, silliq o‘tishlar va mutanosib proporsiyalarga ega yuz turi. Bunday shaklda yuzning eni va uzunligi deyarli bir xil bo‘ladi, keskin burchaklar o‘rniga esa yumaloqroq chiziqlar ustunlik qiladi. Yanoq suyaklari odatda juda yaqqol bilinmaydi, yonoqlar esa to‘laroq ko‘rinadi.
Dumaloq yuz shakli eng chiroyli va omadli yuz turlaridan biri hisoblanadi, chunki u tashqi ko‘rinishga yoshlik, mayinlik va samimiy kayfiyat beradi.
Sizda dumaloq yuz borligini qanday bilish mumkin?
Yuz shaklini aniqlash uchun peshona, chakka, yanoq va jag‘ chizig‘iga e’tibor bering.
Agar:
yuzning yon chiziqlari yumshoq va silliq ko‘rinsa
yuzning uzunligi va eni deyarli bir xil bo‘lsa
jag‘ keskin emas, yumaloqroq shaklda bo‘lsa
yonoqlar biroz to‘laroq ko‘rinsa
unda sizda dumaloq yuz shakli bo‘lishi ehtimoli katta.
Dumaloq yuz uchun qanday kelin soch turmaklari mos?
Dumaloq yuz uchun asosiy maqsad — uni vizual ravishda uzunroq, nozikroq va oval shaklga yaqinroq ko‘rsatishdir.
Shu sabab eng yaxshi variantlar:
balandlik beradigan
tepada hajm yaratadigan
vertikal effekt hosil qiladigan
soch turmaklari hisoblanadi.
Tepada hajmli tugunchalar
Dumaloq yuz uchun eng muvaffaqiyatli variantlardan biri — tepasi hajmli tugunchalar.
Ayniqsa quyidagilar juda chiroyli ko‘rinadi:
yengil nachosli tugunchalar
hajmli shakllar
biroz ko‘tarilgan turmaklar
Bunday soch turmaklari yuzni vizual ravishda cho‘zadi va proporsiyalarni yanada muvozanatli qiladi.
Mutlaqo silliq va tekis tugunchalar esa aksincha yuzning dumaloqligini yanada yaqqolroq ko‘rsatishi mumkin.
Hajmli dumchalar
Tepasiga yengil hajm berilgan dumchalar ham dumaloq yuzga juda yarashadi.
Ular siluetni vizual ravishda uzunroq ko‘rsatadi va ayniqsa zamonaviy hamda minimalistik kelinliklar bilan juda nafis uyg‘unlashadi.
Agar yumshoq tabiiy to‘lqinlar qo‘shilsa, obraz yanada romantik va havodor chiqadi.
Yarim yig‘ilgan soch turmaklari
O‘rtadan ajratilgan va tepaga yengil hajm berilgan yarim yig‘ilgan sochlar dumaloq yuz uchun eng yaxshi variantlardan biri hisoblanadi.
Ayniqsa quyidagilar juda chiroyli ko‘rinadi:
uzun sochlar
katta yumshoq jingalaklar
tabiiy to‘lqinlar
Bunday turmaklar yuzni mayin o‘rab, chiziqlarni yanada nafis ko‘rsatadi.
To‘lqinli ochiq sochlar
Uzun va qatlamli sochlardagi tabiiy to‘lqinlar dumaloq yuzni vizual ravishda muvozanatlashtirishga juda yaxshi yordam beradi.
Ayniqsa yuz bo‘ylab tushadigan uzun pradjalar yuzni yanada nozik va uzunroq qilib ko‘rsatadi.
Juda qisqa va hajmsiz turmaklar esa aksincha yuzni kengroq qilib ko‘rsatishi mumkin.
Qanday soch turmaklaridan qochish kerak?
Dumaloq yuz shakliga ega kelinlarga odatda quyidagilar tavsiya etilmaydi:
yuzni to‘liq o‘rab turadigan qisqa soch turmaklari
hajmsiz va juda silliq uklatkalar
qalin va og‘ir челkalar
Chunki bunday detallar yuzni vizual ravishda kengroq va qisqaroq ko‘rsatishi mumkin.
Bundan tashqari, boshga juda yopishib turadigan qattiq turmaklar ham yuzning dumaloq shaklini yanada ko‘proq ajratib ko‘rsatadi.